অব্যক্ত কথা মোৰ তোমালৈ

এক তুমিয়ে তো আছিলা যিয়ে ৰাতিপুৱাৰ পৰা সন্ধিয়া,সন্ধিয়াৰ পৰা ৰাতিলৈ মোৰ চিন্তাত বিভোৰ আছিলা ৷ হয়..তুমিয়ে আছিলা যিয়ে প্ৰতিটো ক্ষণত এই চিন্তা কৰিছিলা ব্যস্ততাৰ মাজত মোৰ বাৰু আহাৰৰ দানা পেটলৈ গলনে নাই..?
মোৰ সৰু কাহ এটাত চিন্তিত হৈ পৰা,বিষত মুৰ তুলিব নোৱাৰা মোক তুমি মৰমসনা কথাৰে সুস্থ কৰি তোলা..টোপনি নহা ৰাতিবোৰত মোৰ সৈতে একেলগে জাগি থকা,মোৰ প্ৰতিটো সুখক নিজৰ কৰি লোৱা,মোৰ সপোনবোৰক নিজৰ চকুত সজাই লোৱা,মোৰ হেপাহ,মোৰ উৎসাহ,মোৰ সপোন,মোৰ লক্ষ্য তুমিয়ে তো আছিলা ৷
কোনোবাই ঠিকে কৈছিল,"ভালপোৱাই নিজৰ লগতে কিছু চিন্তা কঢ়িয়াই আনে ৷"
তোমাৰ এই চিন্তাবোৰেই মোক জনালে তুমি মোক কিমান ভাল পাইছিলা ..আৰু সচাকে কওঁ ...ময়ো তোমাক বহুত ভাল পাইছিলো এতিয়াও পাওঁ...অকল ইমানেই নহয় সকলোতকৈ বেছি, ভগৱানতকৈও বেছি, নিজতকৈও বেছি ৷৷
হয়,আজি তুমি লগত নাই ঠিক কিন্তু তোমাৰ সেই চিন্তাবোৰ এতিয়াও আছে মোৰ বাবে ..... :)